تــوّك صـغـيـره وابتـديـتـي تحـبـيـن

تــوّك صـغـيـره وابتـديـتـي تحـبـيـن
مـن علّمـك ليـل السهـر ياصغـيـره ؟

بدري عليك العشق يابنـت هاللحيـن
حـرام هـذا القلـب وشهـو مصيـره ؟

انتي بريئه في الهـوا ليـه تشقيـن ؟
دروبــه طـــوال ٍ عـلـيـك وعـسـيـره

رحتي بـدرب ٍ مالـه اصـلا ً عناويـن
وانتـي مشاويـرك مــن اول قصـيـره

ياطفلة ٍ حبّـت وراحـت علـى ويـن ؟
عقـب الهنـا ذقتـي الحـيـاه المـريـره

وينك ووين الحب والشوق والبين ؟
عنّيـتـي عيـونـك وصـرتـي سهـيـره

امـحـق تـسـلّـي كـــان ودّك تسـلّـيـن
الـورد لـولا اللّـون وشهـو عبيـره ؟

خلّيتـي دروســك وصـرتـي تحاتـيـن
الـدرس فـي ديــره وصـرتـي بـديـره

وصرتي بعـد مـن غيـر هـذا تغاريـن
والمشكـلـه يـابـنـت مـنـتـي خـبـيـره

نصيحـتـي لـــك كـــان ودّك تـرديــن
يـــم الـسـعـاده والـحـيــاه الـمـثـيـره

خــلّــك بــجــو الـعـايـلـه لا تـعـدّيــن
مـامــا وبـابــا والـعـجـوز الـظـريـره

شيبـانـك الـلّــي مايـبـونـك تعـانـيـن
مــن بينـهـم عشـتـي كـأنّــك أمـيــره

الـحـب قبـلـك هــز نــاس ٍ كثـيـريـن
وخـلاّ القلـوب تعيـش هــم ٍ وحـيـره

الحب يفضح لا انكشف داخـل العيـن
وانـتـي بنفّـسـك ماهقيـتـك بـصـيـره

طيعـي كلامـي واحــذري لا تمـاديـن
تراجـعـي لاعــل فــي الأمــر خـيــره

عيشي الطفوله والبـراءه لـك سنيـن
وبعـديـن حـبّــي لا غـديـتـي كـبـيـره

ان التميز اقل عنوان يضع لهذه القصيدة الرااائعه

فحاولت ان اجد بيت القصيدة ولكن بلا جدوى

فكل البيوووت لها طاابع خاص من التميز

وصح لساان شااعرها

وسلمت ايااادي من تنقل لنا هذا الابدااع

لكي خااااااااالص

تحياااااااااااااااااتي

,,,,,,,,